05.05. 2025 жыл Халел Досмұхамедов атындағы Атырау университетінде Атырау облысы тарихи-мәдени мұраны зерттеу орталығының басшысы Толыбай Достыбаев гуманитарлық факультетінің студенттеріне «Атырау облысының тарихи-мәдени ескерткіштері» тақырыбында танымдық дәріс оқыды.

Сабақ барысында лектор облыс аумағындағы көне қалашықтар, жерлеу кешендері мен архитектуралық нысандар жөнінде тың мәліметтермен бөлісті.

Аймақтың археологиялық қазба жұмыстары, тарихи деректер мен жәдігерлер негізінде жасалған ғылыми тұжырымдар студенттер мен оқытушылардың өлке тарихына деген қызығушылығын арттырды.